2024/2025-ci tədris ilinin birinci yarımil üzrə böyük summativ qiymətləndirməsi davam edir
Böyük summativ qiymətləndirmə hər yarımilin sonunda keçirilir. V-VI siniflərdə böyük summativ qiymətləndirmələr rəqəmsal formada Microsoft TEAMS proqramında təşkil olunur. Rəqəmsal böyük summativ qiymətləndirmələrin keçirilməsinin əsas məqsədləri təhsilalanların və təhsilverənlərin rəqəmsal bacarıqlarının təkmilləşdirilməsi, təhsilalanların nəticələrinə dair çevik hesabatlılığın təmin olunması, valideyn və qanuni nümayəndələrə təhsilalanın nailiyyətini izləmə imkanlarının yaradılması və ümumi təhsil müəssisələrində kağız israfının qarşısının alınmasından ibarətdir.
