Reproduktiv sağlamlıq mövzusunda məşğələlər keçirilir
Məktəbin biologiya müəllimi Nərmin Hüseynzadə Vlll sinifdə "Reproduktiv sağlamlıq" mövzuları silsiləsindən "Gəncliyin ilk baharı" mövzusunda məşğələ keçirdi. Məşğələdə məktəbin psixoloqu Hüseynova Gülbəniz də iştirak etdi.
Şagirdlərə yeniyetməlik dövrünün əsas əlamətləri, orqanizmdə baş verən bioloji və sosial dəyişikliklər, yaş dövürləri haqqında geniş məlumat verildi. Şagirdlərlə suallar ətrafında müzakirə aparıldı və onların fikirləri dinlənildi. Məktəbin psixoloqu Gülbəniz Hüseynova müzakirələrdə iştirak edərək bəzi məqamlara aydınlıq gətirdi.
Məqsəd şagirdlərin arasında sağlam həyat tərzi və reproduktiv sağlamlıq, eləcə də erkən və qohumlararası nigahların qarşısının alınması sahəsində maarifləndirmə işləri aparmaqdır.
