Qızıl hərflərlə yazılan tarix - Vətən müharibəsi
Azərbaycan tarixindən V siniflərdə mövzu "Vətən müharibəsi" mövzusu idi. Günay Allahverdiyeva müəllimə bugünkü dərsini akt zalında keçdi. Şagirdlərə Vətən müharibəsinin nə demək olduğunu başa saldı. 27 sentyabr 2020-ci il tarixində başlamış və 44 gün ərzində düşməni ağır məğlubiyyətə uğradaraq qələbə ilə başa çatmış Vətən müharibəsi haqqında məlumat verdi. Şəhidlərimizdən, qazilərimizdən danışdı. Vətənin bütövlüyü uğrunda canından keçmiş Vətən oğullarının xatirəsi anıldı. Vətən qarşısında vətəndaşlıq borcundan danışdı.
"Xüsusi dərs"də iştirak edən məktəbin direktoru Sitarə Abbasova şagirdlərə Vətəni sevməyi, onun hər qarış torpağını qorumağı, vətənpərvər vətəndaşlar kimi böyüməyi, təhsil almağı tövsiyə etdi.
Dərs coşqu ilə tamamlandı.
