İmzalı görüş
Yazıçılar Birliyinin üzvü, istedadlı yazıçı Çinarə Köçərli 4 "D" sinif şagirdlərinin qonağı oldu. Sinif rəhbəri İlahə Hacızadənin və valideynlərin təşkilatçılığı ilə keçirilən bu görüşdə yazıçı Çinarə Köçərli "44 gün Qarabağda" uşaqlar üçün hekayələr kitabını kiçik məktəblilərə hədiyyə etdi. Kitabdakı hekayələrin məzmunu ilə onları tanış etdi. Görüş boyunca uşaqlarla Qarabağ, vətən sevgisi, şəhidlərimizin qəhrəmanlığı və milli dəyərlərimiz kimi mövzularda səmimi söhbətlər etdi. Onlara ədəbiyyat dünyasının zənginliyini aşıladı.
Kitab uşaqlar arasında böyük maraq doğurdu. Hekayələrin mövzuları və qəhrəmanları onların diqqətini çəkdi. Bu görüş uşaqlar üçün unudulmaz və ruhlandırıcı bir təcrübə oldu, onların milli dəyərlərə bağlılığını gücləndirdi və oxumağa olan həvəsini artırdı.
