Təbiət onu sevənlərindir
"Yaşıl dünya naminə həmrəylik ili" çərçivəsində "Təbiət onu sevənlərindir" adlı ümumməktəb tədbiri keçirildi. Tədbir açıq havada - yaşıllığın qoynunda təşkil olundu.
Tədbirdə qonaq qismində Nəsimi Rayonu İcra Başçısının müavini Gülarə Verdiyeva və valideynlər iştirak etdilər. Şagirdlər təbiətimizə qayğını və sevgini, bəşəriyyətə humanistliyi təbliğ edən səhnəciklər göstərdilər. "Kəndimiz" mahnısı ifa etdi, "Ağ çiçəyim" , "De gülüm, a nay-nay" rəqslərini etdilər. Təbiəti vəsf edən şeirlər söylədilər. Aforizmlər səsləndirdilər. Tamaşaçılara "Təbiət onu sevənlərindir. Ağacları kəsməyək! Yaşıllığl məhv etməyək! Heyvanlara qayğı göstərək! Dünyamızı mən, sən, o - hamımız qoruyaq!" mesajlarını verdilər.
