"Sən elə bir zirvəsən..." adlı tədbir keçirildi
Ümummilli lider Heydər Əliyevin anadan olmasının 100 illiyinə həsr olunmuş "Sən elə bir zirvəsən..." tədbiri keçirildi. Tədbiri hazırlayan məktəbin rus dili-ədəbiyyat müəllimi Albina Rəhimovanın rəhbərliyi ilə Vl "Ç" sinfinin şagirdləri oldu. Qonaqlar məktəb heyəti və valideynlər oldu. Tədbirdə şagirdlər Ulu Öndərə sevgi və hörmətlərini ehtiva edən şeirlər səsləndirdi, mahnılar oxudu, rəqslər təqdim etdilər. "XVlll əsr və XXl əsr Qarabağın tarixi" səhnəciyini göstərdilər. Heydər Əliyevin aforizmlərini səsləndirdilər. Məktəbin direktoru Sitarə Abbasova tədbirin sonunda çıxış etdi. Tədbirin təşkilinə görə Albina Rəhimovaya və altıncılara təşəkkür etdi. Ümummilli liderimiz Heydər Əliyevin gələcəyimizin təməli olan sağlam və vətənpərvər uşaqların, gəncliyin yetişməsinə yönəlmiş siyasətinin həyata keçməsinin qürurverici olduğunu bildirdi. Heydər Əliyevin ömür yolunun bir örnək olduğunu, tarixi şəxsiyyətlərimizin şagirdlərə dərindən tanıdılmasının vətənpərvər tərbiyənin əsasında dayandığını qeyd etdi.
