Günün fəaliyyəti
Həftənin sonu da müxtəlif istiqamətli fəaliyyətlərlə yadda qaldı.Ümumi orta təhsil pilləsi üzrə buraxılış imtahanının nəticələri müvafiq fənn müəllimləri ilə müzakirə olundu. ADPU-nun tarix-coğrafiya fakültəsinin təcrübəçi tələbələri, metodist müəllimləri: Dadaş müəllim və Əliəşrəf müəllimlə son görüş keçirildi. Səmərəli təcrübə günləri keçirdikləri üçün əməyi keçənlərə təşəkkür bildirildi. Xl sinif şagirdlərimiz Azərbaycan Memarlıq və İnşaat Universitetində oldular. Nailiyyətləri ilə fərqlənən şagirdlərimiz: RFO qızıl medal qalibi Hüseynli Xədicə, Karate idman növü üzrə lll yer Dünya çempionu Nəsibov Murad, Beynəlxalq riyaziyyat olimpiada qalibi Daşdəmirov Yanbulatla fərdi söhbət aparıldı.
