Narkomaniya mövzusunda seminar keçirildi
Yanvarın 13-də həkim, tibb bacısı, psixoloq və təşkilatçının hazırladığı "Özünüzü və ailənizi narkomaniyadan qoruyun" adlı maarifləndirici seminar keçirildi. Seminarda şagirdlərə narkomaniyanın ziyanından, insan həyatının məhv etməsindən, əsrin bəlasına çevrilməsindən söhbət açıldı. Uzun illərin araşdırmaları göstərir ki, narkomanlıq insanı həqiqətən də fiziki və ruhi cəhətdən şikəst edir, onun ömrünü qısaldır. Erkən yaşından narkotik qəbul etməyə başlayan insanın orta ömrü 35-40 il olur. Şagirdlərə narkomaniyanın ziyanı barədə geniş məlumat verildi və ondan qorunma yolları aşılandı.
