Şəhidimiz Abdulla Rəhimovun xatirəsini yad etdik
247 nömrəli tam orta məktəbin adını daşıdığı Azərbaycanın Milli Qəhrəmanı Abdulla Rəhimovun 06 dekabr tarixi doğum günüdür. Xl sinif şagirdləri, Milli Qəhrəmanın ailə üzvləri və komandiri olduğu 776-cı alayın döyüşçüləri şəhidin Il Fəxri xiyabanda məzarını ziyarət etdilər. Daha sonra məktəbdə oldular. I Qarabağ savaşında Abdulla Rəhimovun komandirlik etdiyi əsgərlər ll Qarabağ savaşında da rəşadət göstərmişlər. Onlardan Fariz Qəhrəmanov 44 günlük Vətən müharibəsində Milli Qəhrəman adını almışdır. Şəhidin məktəbdə əbədiləşən büstünün qarşısında məktəblilərin çıxışı oldu. Abdulla Rəhimovun döyüş yoldaşları Milli Qəhrəmanın igidliyindən, vətənpərvərliyindən,döyüş xatirələrindən danışdılar. l Qarabağ savaşında canından keçən şəhidlərimizin ll Qarabağ savaşında alınan intiqamını, şəhidlik zirvəsinin aliliyini, dövlətimizdə aparılam güclü ordu quruculuğunu, prezident-xalq birliyini vurğuladılar. Lazım gəlsə, hər an bir nəfər kimi Vətən naminə hər şeyə hazır olduqlarını bildirdilər.
