Son Zəng çalındı
Bu gün ölkəmizin bütün ümumtəhsil müəssisələrində olduğu kimi bizim məzunlar üçün də “Son zəng” çalındı. Tədbirdə Nəsimi Rayon İcra Hakimiyyəti başçısının müavini Ramiz Quliyev, şəhid Abdulla Rəhimovun ailə üzvləri: Bayram Rəhimov və Sevinc Rəhimova, 44 günlük Vətən müharibəsinin qazi məzunları və valideyn-müəllim heyətimiz iştirak etdilər.
Təbrir Dövlət Himni ilə açıq elan edildi, şəhidlərin xatirəsi sükutla anıldı. Məktəbin direktoru Sitarə Abbasova 2021/2022-ci tədris ilində əldə edilən uğurlardan danışdı, məzunlara ürək sözlərini bildirdi, ”Təlim nailiyyətinə görə fərqlənən” və “Məktəbin ictimai işlərində fərqlənən” on birinciləri diplomlarla təltif etdi. Qonaqlar da məzunları təbrik etdi, xoş arzularını bildirdilər.
On birincilər “Şuşa ili” nə və məktəb illərinə həsr etdikləri musiqi nömrələrini təqdim etdilər.
Yolunuz işıqlı olsun, əziz məzunlarımız.
