22 Aprel Beynəlxalq Yer Gününə həsr olunmuş “Gəlin Dünyamızı Qoruyaq!” adlı layihə həyata keçirdik
Layihə çərçivəsində şagirdlərimiz tərəfindən “Havanın çirklənməsinə yox deyirik!” adlı velosiped marafonu keçirdilər, valideynlərə və məktəb ərazisindəki sakinlərə maarifləndirici broşurlar paylandı, məktəbin həyətində yaşıllaşdırma işləri aparıldı, məktəb ağaclarına qonan quşlar üçün quş yuvaları hazırlandı, məişət tullantılarından müxtəlif əl işləri düzəldildi. 10 gün ərzində həyata keçirilən layihə sonda maarifləndirici ədəbi-bədii kompozisiya ilə bu gün sona çatdırıldı. Qonaq qismində Nəsimi rayonu Həmkarlar Təşkilatının sədri Reyhan Ocaqova, valideynlər iştirak etdilər. Layihənin rəhbəri məktəb Həmkarlar Komitəsinin sədri Zümrüd Əliyeva idi. Sonda məktəbin direktoru Sirarə Abbasova layihədə fəal olan şagirdləri və valideynləri Təşəkkürnamə ilə təltif etdi.
