Mən Xocalıyam! Sizi gözləyirəm!
İlk dərslərdə Xocalı faciəsinin 30-cu ildönümünə həsr olunmuş “Xüsusi dərs”lər keçildi. “Xocalının harayı” adlı sinifdənxaric tədbir keçirildi. Şagirdlər rəsmlər çəkdi və məlumatlandırıcı videoçarxlara baxdılar.
1992-ci ilin fevral ayının 25-dən 26-na keçən kecə erməni silahlı qüvvələri tərəfindən 613 nəfər dinc sakinimizin qətlə yetirildiyini, əsirlərə işgəncə verildiyini, acımasız qətliam törədildiyini xatırladılar. Məqsəd düşmənin nə qədər acımasız olduğunu və Xocalı faciəsinin soyqırımı hadisəsi olduğunu, bunu unutmamalı olduğumuzu şagirdlərə aşılamaqdır.
44 günlük Vətən savaşında işğal altında olan torpaqlarımızın geri qaytarılmasından, Milli ordumuzun qüdrətindən, xalqımızın birliyindən də müəllimlər söhbət apardılar.
