Müasir dövr Azərbaycan epoxası
Məktəbin akt zalında yeniyetmə yaş qrupu şagirdlərimizlə “Fikir mübadiləsi saatı” keçirildi. Onlarda dövlət və dövlətçilik, milli ruh, milli-mənəvi dəyərlər, ölkəmizdə daxili və xarici siyasət sahəsində əldə edilən uğurlu fəaliyyət haqqında düzgün, ətraflı məlumatlılıq yaratmaq məqsədilə diskussiya aparıldı.
Görüşə rayon ictimai məsul şəxsləri: Milli Məclisin deputatı Məlahət İbrahimqızı, Nəsimi Rayon İcra Hakimiyyəti başçısının müavini Gülarə Verdiyeva, Rayon Həmkarlar Təşkilatı sədri Reyhan Ocaqova, Vətən müharibəsində şəhid olan mayor Ruslan Cəfərovun anası Alimə ana, qazi Ağaəli Quliyev dəvət olunmuşdular.
Qonaqlar ulu öndər Heydər Əliyev, ölkə prezidenti İlham Əliyev, vitse-prezident Mehriban Əliyevanın Azərbaycan Respublikasının inkişafına və dünyadakı artan nüfuzuna yönəlmiş məqsədyönlü fəaliyyətli barədə danışdılar. Alimə ana və qazi Ağaəli Quliyev vətənpərvər söhbət apardılar. Şagirdlər müzakirələ qoşuldu, şahidi olduqları müasir tariximizdən, Qarabağ və işğaldan azad olmuş torpaqlarımızda aparılan quruculuq işlərindən bəhs etdilər.
Yadda qalan maarifləndirici görüş ümumşəkil çəkdirilməklə yekunlaşdı.
