Zəfər Gününə həsr olunmuş “Zəfər bağı”, “Şanlı Vətən” ədəbi-bədii kompozisiya və “Zəfər muzeyi” nin təqdimatı
8 Noyabr Zəfər Gününə həsr edilmiş “Şanlı Vətən” adlı məktəbdaxili layihə keçirdik. Layihə çərçivəsində şagirdlər yaradıcı işlər hazırladı.
“Vətən oğulları” adlı Zəfər guşəsi yaradıldı. “44 Günlük Vətən müharibəsi” adlı fotoalbom hazırlandı. Zəfər bağı salındı və bağda 44 xan çinarı ağacı əkildi. “Şanlı Vətən” adlı şagirdlərimizin ifasında ədəbi-bədii kompozisiya baş tutdu.
Görülən işlərin təqdimatında qonaq qismində Bakı Şəhəri üzrə Təhsil İdarəsinin İnkişaf layihələri sektorunun müdiri Günay Qurbanova, Nəsimi Rayon İcra Hakimiyyətinin müavini Gülarə Verdiyeva, məktəbin məzunu olan və Vətən müharibəsində Laçın rayonun işğaldan azad olunmasında qazi olmuş Elnur Əzizov, iştirakçılar: Rəhim Kazımov, Rüfət Əhədov, Elmin Əzizov,Nicat Binnətov, Suqovuşanda şəhid olmuş Şamil Kamiloğlunun bacısı İsmayıllı Nərmin, Həsənova Sevinc iştirak etdilər.
