“Qarabağ Azərbaycandır!” mövzusunda dərslər keçirildi
Bu gün – 29 sentyabr 2021-ci il tarixdə V-XI siniflərdə ənənəvi tədris başlandı. İlk dərslər BŞTİ-nin F-202 nömrəli əmrinə uyğun olaraq “Qarabağ Azərbaycandır!” mövzusunda keçirildi. Xüsusi dərslərdə qonaq qismində 44 günlük Vətən müharibəsində qazi və iştirakçı olmuş məzunlarımız dəvət olundu. Onlar döyüş təəssüratlarını məktəblilərlə bölüşdülər. Ordumuzun qüdrətindən, əsgərlərimizin şücaətindən, Ali Baş Komandanımızın qətiyyətindən, şəhid ailələrinə və qazilərə olan sevgi, diqqət və qayğıdan danışdılar. Məktəblilərə şəhidlərimizə minnətdarlıq borcu olaraq dərslərini yaxşı oxumağı, yoldaşları ilə mehriban olmağı, tariximizi yaxşı öyrənməyi tövsiyə etdilər.
