Beynəlxalq məktəb kitabxanaları günü qeyd edildi
Beynəlxalq Məktəb Kitabxanaları Günü YUNESKO-nun təşəbbüsü ilə 1999-cu ildən etibarən qeyd olunur.
İlk dəfə olaraq bu günün qeyd olunmasını Beynəlxalq Məktəb Kitabxanaları Birliyinin prezidenti Blanş Vullz elan edib. 2008-ci ildən etibarən isə bu gün bir aylıq silsilə tədbirlərlə qeyd olunur. Bu isə hər bir məktəb kitabxanasına aylıq çərçivəsində ən münasib tarixi seçərək bayramı qeyd etməyə imkan verir. Ənənəyə sadiq qalaraq, məktəb kitabxanaçılarının təşkilatçılığı ilə oktyabr ayının 31-də Beynəlxalq məktəb kitabxanaları günü qeyd edildi. Bu gün münasibətilə kitabxananın elan etdiyi "Dünya ədəbiyyatı aylığı" çərçivəsində ən çox kitab oxuyan şagirdlər fərqləndirilərək məktəb direktoru Nisə Fərəcova tərəfindən "Tərifnamə" ilə təltif olundular.
