27 sentyabr-Anım gününü qürurla anırıq!
Sentyabrın 26-da məktəbdə "Heydər Əliyev və Tarixi Həqiqətlər lektoriyası" nda "27 sentyabr Anım gününü qürurla anırıq!" adlı tədbir keçirilmişdir.
Tədbir Azərbaycanın Dövlət Himni ilə başlamış, Vətən uğrunda canından keçmiş Şəhidlərimizin əziz xatirəsi anılmışdır. Tədbiri giriş sözü ilə direktor vəzifələrini icra edən Solmaz Ismayılova açmış, qazanılan qələbənin məhz Ali baş komandanın siyasi iradəsi və müzəffər ordumuzun qəhrəmanlığı hesabına əldə olunduğu vurğulanmışdır. Daha sonra şagirdlərin təqdimatında ədəbi-bədii kompazisiya nümayiş olunmuş, məktəbin şagirdlərdən ibarət xor kollektivi "Qələbə" mahnısını ifa etmişlər. Tədbirdə məktəbin şəhid məzunu Vüsal Teymurovun anası Nahidə xanım da iştirak etmişdir.
Tədbir məktəbin rəhbərliyi, müəllim və şagirdlərinin iştirakı ilə Səbail rayonunda yerləşən Şəhid məzarlarının ziyarəti ilə başa çatmışdır.
