Məktəbdə "Son Zəng" tədbiri keçirildi
İyunun 14-də məktəbdə təntənəli "Son Zəng" tədbiri keçirilmişdir. Məktəb ənənəsinə sadiq qalaraq 11-cilər "Heydər Əliyev və Tarixi Həqiqətlər lektoriyası"nda məktəb rəhbərinin xeyir-duasını almış, ibtidai siniflərin 11-cilər üçün hazırladıqları "Son Zəng" fləşmobunun təqdimatın izləmişlər. Daha sonra 11-cilər məktəbin həyətində təşkil olunmuş rəsmi hissəyə qoşulmuşlar.
Tədbirdə Şəhid məzunumuz Vüsal Teymurovun anası Nahidə xanım, II Vətən müharibəsi qazisi, valideyn Rəşad Əmənov, Azərbaycan Respublikası Vətən Müharibəsi Veteranlar Birliyinin Səbail Rayon təşkilatının sədr müavini Altay Babayev, BŞTİ-nin İctimai Əlaqələr şöbəsinin əməkdaşı Solmaz Ələkbərova, Səbail Rayon İcra Hakimiyyətinin Ərazi İdarəetmə və Yerli Özünü İdarəetmə orqanları ilə iş şöbəsinin əməkdaşı Seymur Həsənov, Badamdar Bələdiyyəsinin sədr müavinləri Xədicə Həsənova, Rauf Mayılov, Azərbaycan Televiziyası Muğam müsabiqəsinin 2019 və 2023-cü il qalibləri Xəyal Hüseynov və Mirəli Sarızadə, müəllimlər və valideynlər iştirak etmişlər.
