Yelkənli idman təbliğ olunub
İyunun 11-də məktəbin akt zalında Azərbaycan Yelkənli İdman Federasiyasının təşkilatçılığı ilə Yelkənli Qayıq Məktəbinin əməkdaşları şagirdlər arasında sağlam həyat tərzinin təşviqi, yelkənli idmanın təbliği, bu idman növünə marağı artırmaq və inkişafına dəstək vermək məqsədilə 6-8-ci sinif şagirdləriylə görüş keçirib.
Şagirdlərə məktəbin fəaliyyəti və əldə olunmuş uğurlar haqqında geniş məlumat verilib.
Mövzu ətrafında aparılan diskusiyada fəal iştirak edən şagirdlərə Yelkənli Qayıq Məktəbinin əməkdaşları tərəfindən hədiyyələr təqdim olunub.
