Türkiyədə Azərbaycanı təmsil edib
Aprelin 23-ü Türkiyə Respublikasının Milli Təhsil Nazirliyi və Hacı İlbəy Liseyinin birgə təşkilatçılığı ilə Bayrampaşa İcra Hakimiyyətində “23 aprel milli suverenlik və uşaq bayramı” təşkil olunub.
Təntənəli bayram tədbirində məktəbin 5 “B” sinif şagirdi Mansurov Cavidan Vaqif oğlu fəal iştirakına görə təşkilatçılar tərəfindən "Təşəkkürnamə"-yə layiq görülüb.
Onu da qeyd edək ki, Cavidan həm də məktəbin və rayonun keçirdiyi ictimai tədbirlərdə də xüsusi fəallığı, təlim-tərbiyəsi, biliyi ilə seçilən nümunəvi şagirddir. Biz də öz növbəmizdə Cavidanı təbrik edir, uğurlarının davamlı olmasını arzulayırıq.
