Heydər Əliyev Mərkəzinə ekskursiya təşkil olunub
Aprelin 25-i Azərbaycan Respublikası Təhsil Nazirliyi və Heydər Əliyev Mərkəzinin razılığına əsasən məktəbin müəllimləri Şəhla Əhmədova, İradə Axundova, Aynurə İsmayılzadə və məktəbin bir qrup fəal şagirdlərinin iştirakı ilə Heydər Əliyev Mərkəzinə ekskursiya təşkil olunub.
Mərkəzin əməkdaşları şagirdlərə Heydər Əliyev Mərkəzi barədə ətraflı məlumat verib.
Daha sonra şagirdlər ekskursiya zamanı Mərkəzdəki Heydər Əliyev Muzeyində Azərbaycan xalqının ümummilli lideri Heydər Əliyevin həyat və fəaliyyəti barədə məlumat alıb, nümayiş etdirilən müxtəlif sərgilərlə tanış olublar.
Ekskursiyanın məqsədi Heydər Əliyev irsinin öyrədilməsi, yeni nəslin milli-mənəvi dəyərlərə və ənənələrə bağlı ruhda böyüməsi, Azərbaycan və dünya tarixi, mədəni və elmi-texniki tərəqqi barədə biliklərinin artırılması məqsədi daşıyıb.
