Fiziki tərbiyə fənnindən “Çeviklik” mövzusunda açıq dərs
Martın 09- da Səbail rayonu 236 nömrəli tam orta məktəbdə məktəbin Fiziki tərbiyə müəllimi, “İlin ən yaxşı müəllimi” müsabiqəsinin qalibi Şakir Quliyevin V “d” sinfində “Çeviklik” mövzusunda açıq dərsi keçirildi. Dərsdə məktəb rəhbərliyi və fiziki tərbiyə müəllimləri iştirak etdilər. Sinif 2 komandaya bölündü: “Şuşa” və “Qarabağ”. Dərsdə qarşıya qoyulan məqsəd şagirdlərdə çevikliyin inkişaf etdirilməsi idi. Çevikliyi təkmilləşdirən oyunlar təşkil edildi. Hərəkət bacarıqları iştirakçılar tərəfindən bəyənildi. Qalib gələn komanda mükafatlandırıldı. 
