Məktəbdə Fizika fənnindən "Açıq dərs" keçirildi
Yanvarın 13- də Səbail rayonu 236 nömrəli tam orta məktəbdə məktəbin Fizika müəllimi Arzu Sadiqovanın IX B sinfində “Qravitasiya, elektrik və maqnit sahələrinin müqayisəsi ” mövzusunda açıq dərsi keçirildi. Dərsdə məktəb rəhbərliyi, Riyaziyyat və Fizika müəllimləri iştirak etdilər. Əyaniliyə geniş yer verildi. Keçmiş mövzu şagirdlərdən soruşuldu. Yeni mövzu ilə keçmiş mövzu arasında əlaqə yaradıldı. Sinifdə mövzuya aid məsələlər həll etdirildi. Testlərdən istifadə olundu. Ev tapşırığı vaxtında verildi və şagirdlər qiymətləndirildi. Müəllim mövzunu şagirdlərə tam mənimsədə bildi. Dərs iştirakçılar tərəfindən geniş müzakirə olundu və bəyənildi.
