“Uşaq hüquqları aylığı” çərçivəsində tədbirlər davam edir
20 oktyabr - 20 noyabr tarixlərini əhatə edən “Uşaq hüquqları aylığı” çərçivəsində məktəbdə uşaq hüquqları mövzusunda maarifləndirici tədbirlər davam edir. Belə ki, noyabrın 3-də məktəbin biologiya və həyat bilgisi müəllimi İradə Axundova 6 “F” sinif şagirdlərinə maarifləndirici təlim təşkil edib.
Təlimin məqsədi hüquqi maarifləndirmə, uşaqların cəmiyyətdəki rolu və vəzifələri ilə bağlı məlumatları şagirdlərə daha maraqlı formada çatdırmaqdan ibarət olub.
Təlim şagirdlərin fəal iştirakı ilə müzakirə şəklində keçirilib, onların fikirləri öyrənilib, sualları cavablandırılıb.
