Tamaşa coşqu və alqışlarla qarşılanıb
İyunun 25-də “Azərbaycan Xəzər Dəniz Gəmiçiliyi” QSC-nin (ASCO) “Suraxanı” gəmi-muzeyində “Dənizçi Günü” ilə əlaqədar xüsusi tədbir təşkil olunub.
Tədbirdə məktəbin ibtidai sinif müəllimi Gülnarə Zeynalovanın rəhbərlik etdiyi 1 “Ə” sinif şagirdləri müxtəlif səhnəciklər nümayiş etdiriblər. Şagirdlər dənizçi geyimlərində gəmiçiliyin tarixini, ənənələrini əks etdirən tamaşalar təqdim ediblər. Balacaların tamaşasını gəmi-muzeyin qonaqları coşqu və alqışlarla qarşılayıblar.
Tədbirdən sonra şagirdlər bələdçilərin müşayiəti ilə dünyanın ilk tanker-muzeyinin zallarını gəzib, gəmiçiliyə aid eksponatlarla yaxından tanış olublar. Onlar, həmçinin oyun manipulyatorlarından istifadə edərək müxtəlif gəmi əməliyyatlarını yerinə yetiriblər.
