Şəhidlər xiyabanını ziyarət ediblər
Yanvarın 17-də məktəbin müəllim-şagird heyəti Şəhidlər xiyabanını ziyarət ediblər. Azərbaycanın müstəqilliyi, azadlığı uğrunda canlarından keçən şəhidlərin məzarları üzərinə qərənfillər düzülüb.
Müəllimlər vurğulayıb ki, bütün təzyiqlərə baxmayaraq, mənfur rejim xalqımızın mübarizlik əzmini, azadlıq istəyini boğa bilmədi. Azərbaycan canı, qanı bahasına müstəqilliyinə qovuşdu, 70 illik imperiya müstəmləkəsindən qurtuldu. Bu qanlı hadisələrdən illər keçməsinə baxmayaraq, xalqımız o müdhiş gecəni, həmin günlərdə şəhid olan oğul və qızlarını daim xatırlayır, bu faciəni törədənlərə öz dərin nifrətini bildirir.
