Hər şey övladımız üçün
Ailənin qurulması bir uşaq üçün son dərəcə vacibdir. Bir uşaq üçün ailə əsas yaşayış mühiti, inkişafı və psixoloji formalaşmasıdır. Uşaq ailədə erkən uşaqlıq dövründə dünyanı öyrənməyi öyrənir, idrakın əsas mexanizmlərini, insanlar arasındakı münasibətlərin əsasını dərk edir. İnsan tərbiyəsində və onun formalaşmasında yaşadığı mühitin, insanların və müxtəlif cür danılmaz amillərin təsiri vardır, hansı ki, bu amillərdən ən böyüyü onun valideynləridir. Valideyn övladının formalaşmasında çox böyük rol oynayır.
Məktəbin V sinif valideynləri ilə “ Hər şey övladımız üçün” adlı maarifləndirici tədbir keçirildi. Tədbirdə valideynlərin maariflənməsi üçün müxtəlif videoçarxlar, slaydlar nümayiş olundu. Sinif rəhbəri Günay İsmayılova, UBTR Günel Cəbrayılova, psixoloq Kübra Nağıyeva və riyaziyyat müəllimi Samirə İsgəndərova valideynlərlə mövzu ilə bağlı söhbət apardılar, onları maraqlandıran suallara cavab verdilər.
