Riyaziyyat fənn aylığının yekunu
Məktəbin illik fəaliyyət planına uyğun olaraq şagirdlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Aprel ayı məktəbdə riyaziyyat aylığı elan olunmuşdur. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, intellektual oyunların təşkili, həmçinin şagirdlərin bilik və bacarıqları yoxlanılmışdır.
İbtidai sinif müəllimləri riyaziyyat fənn aylığı ilə əlaqədar olaraq nümunəvi dərslər təşkil etdilər və bununla da fənn aylığına yekun vuruldu.
