Məişət zorakılığı və gender berabersizliyi
Məktəbin psixoloqu Kubra Nağıyeva VI sinif şagirdləri ilə "Məişət zorakılığı və onunla mübarizə yolları" mövzusunda söhbət apardı. “Məişət zorakılığının qarşısının alınması haqqında” Qanuna əsasən məişət zorakılığı yaxın qohumluq münasibətlərindən, birgə və ya əvvəllər birgə yaşamaqlarından sui-istifadə etməklə, bu Qanunun şamil edildiyi şəxslərin birinin digərinə qəsdən fiziki və ya mənəvi zərər vurmasıdır. Məişət zorakılığının fiziki, psixi, iqtisadi, cinsi zorakılıq növləri haqqında şagirdlərə məlumat verildi.
Məktəbdə gender bərabərliyi, oğlan və qız şagirdlərin bərabər hüquqlara, imkanlara və dəyərləndirilməyə malik olduğu bir təhsil mühitinin yaradılmasıdır. Bu prinsipin təmin olunması yalnız məktəblərin inkişafına deyil, cəmiyyətin də daha ədalətli və inklüziv olmasına töhfə verir. Məktəbdə gender bərabərliyinin əhəmiyyəti hər iki cinsin təhsil, fəaliyyətlər və liderlik mövqelərinə bərabər çıxışı olmalıdır.
Stereotiplərin azaldılması: Genderlə bağlı ənənəvi düşüncələrin dəyişdirilməsi ilə şagirdlər daha geniş perspektivlərə sahib ola bilər.
Cəmiyyətə təsir: Məktəbdə gender bərabərliyinin təşviqi gələcəkdə daha balanslı və ədalətli bir cəmiyyətin formalaşmasına imkan yaradır.
Gender bərabərliyi yalnız hüquq deyil, həm də təhsil mühitinin keyfiyyətini artıran əsas prinsiplərdən biridir. Məktəblərdə bu yanaşmanın tətbiqi, gələcək nəsillərin daha ədalətli və bərabər cəmiyyət qurmasında mühüm rol oynayacaqdır.
Bu məqsədlə məktəbimizin psixoloqu və UBTR tərəfindən V sinif şagirdləri ilə müzakirələr aparıldı, anket sorğusu keçirildi.
