"Naxçıvan aylığı" layihəsi çərçivəsində keçirilən silsilə tədbirlər
"Ümumi təhsil müəssisələrində Naxçıvan ayı" layihəsi çərçivəsində Naxçıvan Muxtar Respublikasının 100 illik yubileyinə həsr olunmuş sinif təşkilat saatları keçirildi. Məktəbin II və III siniflərində , sinif rəhbərləri Vüsalə Bayramova və Aygün Məmmədova tərəfindən şagirdlərə Naxçıvanın tarixi ,mədəni irsi , təbiəti , iqtisadiyyatı və s. barədə ətraflı məlumatlar verildi. Məqsəd şagirdləri qədim türk diyarı olan Naxçıvan haqqında biliklərini artırmaq ,onlara vətənpərvərlik hissini aşılamaq idi.
V - VI sinif şagirdləri arasında isə məktəbin azərbaycan dili və ədəbiyyat müəllimi İlhamə Ağayeva tərəfindən "Göz bəbəyim-Naxçıvan" mövzusunda inşa yazı müsabiqəsi təşkil edildi. Şagirdlər təqdim etdikləri inşalarında Naxçıvanın ərazisi ,xalqının qədim adət-ənənələri,musiqisi ,görkəmli xadimləri haqqında mövzulara geniş yer vermişdilər.
