"Mənəvi dəyərlərimiz" mövzusunda dərs keçirildi
Əsrlər boyu azərbaycanlılar dünya xalqları arasında qədim milli-mənəvi dəyərləri ilə tanınıblar. Xalqımız həssaslıqla yanaşdığı, qoruyub saxladığı, yaşatdığı və təbliğ etdiyi milli xüsusiyyətləri, adət-ənənələri ilə dünya mədəni irsində özünəməxsus yer tutur. 28 noyabr 2024-cü il tarixində X sinifdə "Mənəvi dəyərlərimiz" mövzusunda dərs keçirildi. Şagirdlər xalqımıza aid olan mənəvi dəyərləri sadalayıb onların davam etdirilməsi, qorunması haqqında öz fikirlərini qeyd etdilər. Azərbaycan dili və ədəbiyyat müəllimi Ağayeva İlhamə də öz növbəsində milli-mənəvi dəyərlərimizin öyrənilməsi, təbliğ olunub yayılmasının vacibliyini, onların qorunmasının gənc nəslin üzərinə düşən əsas vəzifə olduğunu bildirdi.
