"Tarix aylığı" çərçivəsində bilik yarışı təşkil edildi
28 noyabr 2024-cü il tarixdə məktəbdə noyabr ayı "Tarix aylığı" kimi qeyd edilmişdir. Ay ərzində müvafiq olaraq silsilə tədbirlər həyata keçirilmişdir. Məktəbin tarix müəllimi İsmayılova Günay tərəfindən VIII sinif şagirdləri arasında bilik yarışması təşkil edilmişdir. Yarışda "Səfəvi", "Azıx" və "Şah Abbas" komandaları iştirak etmişdir. Üç mərhələdən ibarət olan yarışın qalibi "Azıx" komandası olmuşdur. Bilik yarışının keçirilməsində məqsəd şagirdlər arasında rəqabəti gücləndirmək, istedadlı şagirdləri aşkar etmək, onların istedadlarının inkişaf etdirilməsi işini səmərəli təşkil etməklə təbiət elimlərinə maraq oyatmaqdır.
