Şagirdlər 10-cu Bakı Beynəlxalq Kitab Sərgisində iştirak edib
7 oktyabr 2024-cü il tarixdə məktəbin UBTR-i Günel Cəbrayılova və kitabxana müdiri Mirzəhra Bayramovanın təşəbbüsü ilə bir qrup şagirdlər Bakı Ekspo Mərkəzində təşkil olunan Azərbaycan şairi Məhəmməd Füzulinin 530 illik yubileyinə həsr olunan 10-cu Bakı Beynəlxalq Kitab Sərgisini ziyarəti ediblər.
Mədəniyyət Nazirliyinin təşkilatçılığı ilə keçirilən sərgidə 200-ə yaxın yerli və xarici təşkilatın, 90-dan çox tanınmış ədəbiyyat xadiminin iştirakı və 220-dən çox müxtəlif formatda tədbirin təşkil edilib. Eyni zamanda sərgidə azərbaycanlı yazıçı və şairlər, o cümlədən gənc yazarlar və tanınmış xarici yazıçılar iştirak edib. Bakı Beynəlxalq Kitab Sərgisində iştirak həm təhsilalanlar, həm də təhsilverənlər üçün faydalı öyrənmə, ünsiyyət və şəbəkələşmə imkanıdır.
