“Son zəng” tədbiri keçirildi
14 iyun 2024-cü il tarixdə “Son zəng” tədbiri keçirildi. Təşkil olunan tədbirdə başda direktor Lamiyə Quliyeva olmaqla, Pirallahı Rayon İcra Hakimiyyəti nümayəndələri, Gürgən qəsəbə nümayəndəsi və digər qonaqlarla yanaşı məktəbin müəllim, şagird heyəti, valideynlər iştirak etmişdir.
Tədbiri giriş sözü ilə açan Lamiyə Quliyeva müstəqil həyatın astanasında duran məzunlara gələcək həyatlarında uğurlar arzuladı, ölkəmiz və xalqımız üçün layiqli övlad olmaları naminə çalışmağı tövsiyə etdi. Həmçinin məktəbin ictimai işlərində fəal iştirak edən məzunları və digər şagirdlər məktəb rəhbərliyi tərəfindən fəxri fərmanlarla təltif olundular. Şagirdlərə təbriklərini çatdırmaq üçün müəllim heyəti də çıxışlar etdi. Sinif rəhbərləri yetirmələrinə öz arzu və istəklərini bildirdilər. Bir-birindən maraqlı müxtəlif rəqslər, mahnılar, şeirlər tədbiri daha da rəngarəng etdi. Sonunda, gözlənilən an gəlib çatdı. Son zəng çalındı. Sevinci və kədəri bir-birinə qarışan məzunlar 11 il onlara qucaq açan dogma məktəblə vidalaşdılar.
Tədbirdə rəmzi “Bilik açarı” məzunlar tərəfindən I sinif şagirdlərinə təqdim olundu.
