1 iyun-Uşaqların Beynəlxalq Müdafiəsi Günü qeyd edildi
1 iyun - Uşaqların Beynəlxalq Müdafiəsi Günü ilə bağlı məktəbdə şagirdlərin iştirakı ilə tədbir kecirildi. Tədbirdə məktəb rəhbərliyi, Pirallahı Rayon İcra Hakimiyyəti İctimai-Siyasi və Humanitar Məsələlər Şöbəsinin əməkdaşları və müəllimlər iştirak etmişdilər. Məktəbin direktoru Lamiyə Quliyeva şagirdləri salamlayaraq onları 1 iyun-Uşaqların Beynəlxalq Müdafiəsi Günü münasibəti ilə təbrik etmiş və bildirmişdir ki, uşaqlar dünyada hamı üçün əzizdir. Dünyanın hər yerində uşaqlara qayğı və onların qorunması xüsusi əhəmiyyət kəsb edir. Təsadüfi deyil ki, Uşaqların Beynəlxalq Müdafiəsi günü uzun illərdir bütün dünyada qeyd edilir və hər bir ölkə, hər bir dövlət uşaqları qorumağı, uşaqları müdafiə etməyi özünün əsas vəzifəsi hesab edir. Şagirdlər hər zamanki kimi bu bayramdada öz məharətlərini nümayiş etdirərək, gözəl rəqsləri, musiqi nömrələri ilə bayramı şənləndirdilər.
