Xəzər rayon MKS-nin 2 nömrəli kitabxana filialında tədbir keçirilib
30 iyun 2024-cü il tarixdə Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin 2 nömrəli kitabxana filialında görkəmli Azərbaycan şairi Abbas Səhhətın 150 illik yubileyi və 1 İyun-Uşaqların Beynəlxalq Müdafiəsi Günü ilə əlaqədar tədbir keçirilib. Tədbirdə 231 nömrəli tam orta məktəbin ibtidai sinif şagirdləri iştirak edib. Tədbirdə Abbas Səhhətin həyat və yaradıcılığından bəhs edilib, Azərbaycanda uşaqlara qarşı göstərilən diqqət və qayğıdan söhbət açılıb. Daha sonra 231 nömrəli tam orta məktəb şagirdləri ədibin şeirlərini səsləndiriblər.
