Məktəbin xüsusi istedadlı şagirdləri
Bu gün Azərbaycan təhsilinin əsas məqsədlərindən biri istedadlı şagirdlərin üzə çıxarılması, onların qabiliyyət və yaradıcılıq imkanlarının aşkarlanması, inkişaf etdirilməsidir. Uşaqların vaxtında aşkarlanması, dəstəklənməsi və inkişafının təmin edilməsi əsas məqsədlərdəndir. Məktəbin fəaliyyət planına əsasən kitabxanada xüsusi istedadlı şagirdlərlə "dəyirmi masa" keçirildi. Dəyirmi masada TTİÜDM Elza Cəfərova, Məktəbdənkənar və sinifdənxaric tərbiyə işi üzrə təşkilatçı Vüsalə Alyarova, psixoloq Kübra Əliyeva və kitabxanaçı Mirzəhra Bayramova iştirak etmişdir. Şagirdlərin il ərzində fəaliyyəti dəyərləndirilmiş, eyni zamanda onların ideyaları dinlənilmişdir.
