Azərbaycan şair və mütəfəkkirlərinin əsərlərində ətraf mühitin qorunması ilə bağlı fikirlərin təbliğ edilməsi
15 may 2024-cü il tarixində "Yaşıl dünya naminə həmrəylik ili" çərçivəsində "Azərbaycan şair və mütəfəkkirlərinin əsərlərində ətraf mühitin qorunması ilə bağlı fikirlərin təbliğ edilməsi" devizi altında Azərbaycan dili və ədəbiyyat müəllimi Vəsxanum Əmirbəyova altıncı sinifdə təbiət qoynunda bədii əsərlərin səhnələşdirilməsini təşkil etmişdir. Dərsdə məktəbin direktoru Lamiyə Quliyeva,TTİÜDM Elza Cəfərova, Məktəbdənkənar və sinifdənxaric tərbiyə işi üzrə təşkilatçı Vüsalə Alyarova iştirak etmişdir. Dərs zamanı şagirdlər qruplara bölünmüşdür.Birinci qrup Mirzə İbrahimovun "Bağban Rövşən", ikinci qrup Əli Vəliyevin "Nənənin söhbəti", üçüncü qrup isə Hüseyn Abbaszadənin "Barıt iyi"əsərlərini səhnələşdirdi. Əsərlərin hər üçündə təbiətlə insanın vəhdəti, təbiətsevər insanların humanizmi, müharibənin yaratdığı ağrı-acılar, qələbə sevinci öz əksini tapmışdır.
