"Heyvanlar sağ qalmaq üçün necə uyğunlaşır" mövzusunda açıq havada dərs təşkil edildi
"Yaşıl dünya naminə həmrəylik ili "çərçivəsində "Yaşıl layihə-Təbiəti qoruyanlar layihəsi" nin tədbirlər planına əsasən Təbiət fənnindən VI sinifdə fənn müəllimi Xaqani Alməmmədov "Heyvanlar sağ qalmaq üçün necə uyğunlaşır" mövzusunda açıq havada dərs təşkil etmişdir. Şagirdlər mövzunu tam mənimsəmiş, onlara maraqlı olan suallara müəllimin köməyi ilə cavab tapmışdırlar. Məqsəd şagirdlərin ekoloji maarifləndirilməsi, bu sahə üzrə biliklərinin və tədqiqatçılıq bacarıqlarının artırılması, istedadlı və yaradıcı şagirdlərin aşkara çıxarılması, təbiət fənlərinin digər fənlərə inteqrasiyasının təşkili, ətraf mühitin və ekologiyanın mühafizəsi, təbii sərvətlərin qorunması və onlardan səmərəli istifadə edilməsi, müvafiq qlobal problemlərin həllinə dəstək verilməsindən ibarətdir.
