"Pişiyin evi" nağılı nümayiş etdirildi
İbtidai sinif müəllimi Vüsalə Bayramovanın təşkilatçılığı ilə 1-ci siniflər "Pişiyin evi" nağılı nümayiş etdirdilər. Tədbirdə məktəbin direktoru Lamiyə Quliyeva, müəllimlər və valideynlər iştirak edirdilər. Nağıl balaca şagirdlərin musiqi sədaları altında şarlarla, rəngarəng aksesuarlarla bəzədilmiş zala daxil olmaları ilə başladı. Nağıl qəhrəmanlarının canlandırılması tədbir iştirakçılarının marağına səbəb oldu. Valideynlərlə birgə keçirilən rəngarəng oyunlar, əyləncəli yarışlar, uşaqlarla birgə rəqs etmələri şənliyi daha da maraqlı etdi.
