"Sən elə bir zirvəsən" adlı sinif saatı keçirildi
21 dekabr 2023-cü il tarixində VIII sinfin rəhbəri Vəsxanım Əmirbəyovanın təşəbbüsü ilə ulu öndər Heydər Əliyevin 100 illiyinə həsr olunmuş “Sən elə bir zirvəsən” adlı sinif saatı keçirildi. Tədbirə başlamazdan əvvəl ulu öndərin xatirəsi bir dəqiqəlik sükutla yad edildi.Tədbiri giriş sözü ilə açan sinif rəhbəri ulu öndərin keçdiyi şərəfli həyat yolundan, Vətənimizin hər bir uğrunda onun imzası olduğundan söhbət açdı. Sonra söz aparıcılara verildi. Onlar Heydər Əliyevin müdrik uzaqgörən siyasətindən, tariximizə adını qızıl hərflərlə həkk etdiyindən söz açdılar. Tədbir boyu şagirdlər Heydər Əliyevə həsr olunmuş şeirlər ifa etdilər, dahi şəxsiyyətlərin ulu öndər haqqında dedikləri aforizmləri söylədilər “Heydər Əliyev sizin üçün kimdir?” ,Ulu öndəri nəyə bənzədərdiniz?”adlı viktorinada iştirak etdilər.
