"Kəlbəcər bizimdir" adlı tədbir keçirildi
Ali Baş Komandanımız, qüdrətli sərkərdəmiz İlham Əliyevin başçılığı ilə sentyabrın 27-dən düşmən təxribatına qarşı əks-hücum əməliyyatları nəticəsində 25 noyabr 2020-ci il tarixində Kəlbəcər rayonu işğaldan azad edilib. Xalqımızın Ulu öndəri Heydər Əliyev hər zaman Kəlbəcərə, onun təbiətinə, insanlarına hərzaman yüksək dəyər vermişdir. Ulu öndərimiz Heydər Əliyev illər öncə Kəlbəcərin bu gözəl günlərini görürdü və həmin gözəl günləri əvvəlcədən salamlayırdı. 1996-cı il aprel ayının 1-də kəlbəcərlilərlə görüşündə Ulu Öndərmiz deyirdi: “Kəlbəcər yenə də öz keçmiş, gözəl dövrünə qayıdacaq və gələcəkdə ondan da gözəl olacaqdır. O gün həm kəlbəcərlilər üçün, həm də bizim üçün əziz olacaqdır”. Qarabağın qala qapısı Kəlbəcərin işğaldan azad olunmasından üç il ötür.
Mövzu ilə əlaqədar 24 noyabr 2023-cü il tarixində məktəbin akt zalında VII sinif şagirdlərinin iştirakı ilə "Kəlbəcər bizimdir" adlı tədbir təşkil edildi.
