“Düşünən şagird” müsabiqəsinin məktəb mərhələsi keçirildi
Təhsilalanların mütaliə vərdişlərinin təkmilləşdirilməsi, oxu, yazı və təxəyyül bacarıqlarının inkişaf etdirilməsi, Azərbaycan və dünya ədəbiyyatının görkəmli nümayəndələrinin yaradıcılığı barədə məlumatlılıq səviyyəsinin artırılması, istedadlı və mütaliəyə marağı olan şagirdlərin vaxtında üzə çıxarılması və onlara dəstək göstərilməsi məqsədilə Bakı Şəhəri üzrə Təhsil İdarəsi (BŞTİ) tərəfindən “Düşünən şagird” müsabiqəsinə start verilib. 24 oktyabr 2023-cü il tarixində VIII-XI sinif şagirdlərinin iştirakı ilə “Düşünən şagird” müsabiqəsinin məktəb mərhələsi keçirilib.
Şagirdlər məktəb kitabxanalarından istifadə edərək Azərbaycan və dünya ədəbiyyatından əsərləri oxuyub, oxuduqları kitablardan ilhamlanaraq onlara təqdim olunan 10 fərqli məzmunlu mətndən birini seçərək həmin mətnin davamı olaraq öz hekayələrini yaratmağa çalışıblar.
