“Vətənin qəhrəman oğulları unudulmur!” adlı dəyirmi masa
25 sentyabr 2023-cü il tarixində kitabxana müdiri Mirzəhra Bayramova “Vətənin qəhrəman oğulları unudulmur!” mövzusunda dəyirmi masa təşkil etdi. Vətən Müharibəsi şəhidlərinin əziz xatirəsi bir dəqiqəlik sükutla yad edilərək, 27 sentyabr Anım Günü barədə şagirdlərə məlumat verildi. Dəyirmi masada iştirak edən məktəbin Uşaqlarla məktəbdənkənar və sinifdənxaric tərbiyə işi üzrə təşkilatçısı, tarix müəllimi Vüsalə Alyarova 2020-ci il sentyabrın 27-dən Ermənistanın ölkəmizə qarşı başlayan növbəti hərbi təcavüzünə cavab olaraq, Ali Baş Komandanın rəhbərliyi altında Azərbaycan Silahlı Qüvvələrinin işğal altındakı torpaqlarımızın azad edilməsi uğrunda Vətən Müharibəsinə başladığı şagirdlərin diqqətinə çatdırılıb. Qəhrəman oğullarımızın şücaəti, şəhidlərimizin qanı, canı bahasına bütün dünyanın Azərbaycanın şanlı qələbəsinə şahid olduğu barədə şagirdlərə geniş məlumatlar verildi.
