2023/2024-cü tədris ilinin ilk dərs günü
15 sentyabr 2023-cü il tarixində 2023/2024-cü tədris ilinin ilk dərs günü məktəbdə dövlət himni səsləndirilib və şəhidlərin xatirəsi bir dəqiqəlik sükutla yad edilib. Məktəbin direktoru Lamiyə Quliyeva, Pirallahı rayonu İcra Hakimiyyəti nümayəndəsi, Ərazi İdarəetmə və yerli özünüidarəetmə orqanları ilə iş şöbəsinin müdiri Həsən Qasımov, Gürgən qəsəbə nümayəndəsi Ümid Əliyev və İctimai–siyasi və humanitar məsələlər şöbəsinin baş məsləhətçisi Anar Babayev dərs ilinə start verən birinci sinif şagirdlərinə və bütün digər şagirdlərə dərslərində uğurlar arzuladılar. Sonra ilk zəng çalındı və uşaqlar siniflərə daxil oldu. İlk dərs “Heydər Əliyev Azərbaycanın xilaskarı və qurucusudur” mövzusuna həsr olundu.
