Xalqımızın ümummilli lideri Heydər Əliyevin məzarı ziyarət edildi
9 may 2023-cü il tarixində məktəb rəhbəri Lamiyə Quliyeva pedaqoji heyətlə birgə Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin məzarını ziyarət ediblər Azərbaycanın ən yeni tarixinin bütöv bir qərinəsi Heydər Əliyevin adı ilə bağlıdır. Qeyri-adi şəxsiyyəti, siyasət və dövlət xadiminə xas olan böyük istedadı ilə fərqlənən, xarizmatik lider olan Heydər Əliyev hələ sağlığında canlı əfsanəyə çevrilmişdi. Azərbaycan dövlətçiliyinin xilaskarı, türk dünyasının böyük oğlu Heydər Əliyevin vəfatından ötən illər ərzində görkəmli şəxsiyyətin, əbədiyaşar liderin məzarı xalqımızın müqəddəs ziyarətgahına, gənclərin and yerinə çevrilib.
