Rəsm müsabiqəsinin məktəb mərhələsi keçirildi
2 may 2023-cü il tarixində Bakı Şəhər İcra Hakimiyyəti və Bakı Şəhəri üzrə Təhsil İdarəsinin birgə təşkilatçılığı ilə Ulu Öndər Heydər Əliyevin anadan olmasının 100 illiyinə həsr olunmuş rəsm müsabiqəsinin məktəb turu keçirildi. Müsabiqə 6-11-ci sinif şagirdləri arasında keçirildi. Müsabiqənin keçirilməsində məqsəd Prezident İlham Əliyevin müvafiq Sərəncamı ilə 2023-cü ilin “Heydər Əliyev İli” elan edilməsi ilə bağlı keçirilən tədbirlər çərçivəsində Ulu Öndərin xatirəsinin yad edilməsi və irsinin öyrənilməsi, şagirdlərə vətənpərvərlik ruhunun aşılanması, həmçinin yeniyetmə və gənc istedadlı rəssamların üzə çıxarılmasıdır.
