“Daim əbədiyaşar dahi lider” adlı sinif saatı keçirildi
27 aprel 2023-cü il tarixində VII sinfin rəhbəri Vəsxanım Əmirbəyovanın təşəbbüsü ilə ulu öndər Heydər Əliyevin 100 illiyinə həsr olunmuş “Daim əbədiyaşar dahi lider” adlı sinif saatı keçirildi. Tədbiri giriş sözü ilə açan sinif rəhbəri ulu öndərin keçdiyi şərəfli həyat yolundan, Vətənimizin hər bir uğrunda onun imzası olduğundan söhbət açdı. Sonra söz tarix müəllimi Vüsalə Alyarovaya verildi. O, Heydər Əliyevin müdrik uzaqgörən siyasətindən, tariximizə adını qızıl hərflərlə həkk etdiyindən söz açdı. Tədbir boyu şagirdlər Heydər Əliyevə həsr olunmuş şeirlər ifa etdilər, dahi şəxsiyyətlərin ulu öndər haqqında dedikləri aforizmləri söylədilər “Heydər Əliyev sizin üçün kimdir?” adlı viktorinada iştirak etdilər. Tədbirdə ən maraqlı məqam VII sinif şagirdi Qafarlı Uğurun Heydər Əliyev obrazını canlandırması oldu.
