Reproduktiv sağlamlıqla bağlı maarifləndirici tədbir keçirildi
19 aprel 2023-cü il tarixində məktəbin akt zalında Reproduktiv sağlamlıqla bağlı tədbir keçirildi. Maarifləndirici tədbirdə VI və X sinif şagirdləri iştirak edirdi. Tədbirdə məktəbin direktoru, Uşaqlarla Məktəbdənkənar və Sinifdənxaric tərbiyə işi üzrə təçkilatçısı, psixoloq mövzu ətrafında şagirdlərlə söhbət apardılar. Məqsəd gənc nəslin sağlam böyüməsi, onların zərərli vərdişlərdən qorunması, habelə gələcəkdə sağlam ailə qurması üçün uşaq və yeniyetmələr arasında sağlam həyat tərzi və reproduktiv sağlamlıqla bağlı maarifləndirmə işlərini genişləndirməkdir. Reproduktiv sağlamlıq üzrə bilik və bacarıqlar məktəblilərə sanitar-gigiyenik qaydalara əməl etməyə, hər cür zərərli vərdişlərdən uzaq olmağa imkan verir. Sonda şagirdləri maraqlandıran suallar cavablandırıldı.
