1 Mart - Ümumdünya Mülki Müdafiə Günüdür
1 mart 2023-cü il tarixində VIII-IX sinif şagirdlərinin iştirakı ilə onlayn qaydada “1 mart- Ümumdünya Mülki Müdafiə Günü”nə həsr olunmuş tədbir keçirildi. Tədbirdə şagirdlərə Beynəlxalq Mülki Müdafiə Təşkilatının yaranma tarixi, fəaliyyət istiqamətləri, “1 mart - Ümumdünya Mülki Müdafiə Günü” və onun qeyd edilməsinin məqsədi, Azərbaycan Respublikasının bu təşkilata üzvlüyü, ölkəmizin Mülki Müdafiə sistemi barədə iştirakçılara ətraflı məlumat verildi.
Tədbirin keçirilməsində əsas məqsəd şagirdlərin diqqətini fövqəladə hallar zamanı davranış qaydalarının mənimsənilməsinə yönəltmək, məktəblilərə baş verə biləcək təbii fəlakət, yanğın və qəza hadisələri zamanı düzgün təxliyə olunmanı öyrətməkdən ibarətdir.
